15 марта 2025 года ў г. Пінску прайшоў першы занальны агляд абласнога адкрытага фестывалю фальклорнага мастацтва «Радавод».
Свае праграмы прадставілі як узорныя фальклорныя калектывы, чыя творчасць ужо добра вядома гледачам не толькі сваіх рэгіёнаў, але і вобласці, так і новыя творчыя аб’яднанні.
У аглядзе прынялі ўдзел фальклорныя калектывы і індывідуальныя выканаўцы, фальклорных праграм з Лунінецкага, Столінскага, Іванаўскага, Драгічынскага, Пінскага раёнаў і г. Пiнска.
Самабытны матэрыял, які вынайшлі падчас фальклорных экспедыцый, узрадавалі вучні і педагогі з узорных ансамбляў “Сунічка” ДУА “Сярэдняя школа № 1 г. Лунінца”, фальклорнага танца “Палескія плясуны”, народнай музыкі «Млынок», народнай песні «Весялінка» ДУА “Сярэдняя ўкола №2 г .Століна”, фальклорная група “Спадчына” ДУА “Сярэдняя школа №3 г. Пiнска” і інш. Яскравым і па народнаму маляўнічым было выступленне юных аматараў фальклору з Іванаўскага раёна: заліхвацкія гарманісты з ансамбля «Грай, гармонік» і самабытныя танцы «Янаўшчызны» ансамбля фальклорнага танца «Каразель». З традыцыйнымі народнымі гульнямі і песнямі Драгічынскага раёна пазнаёмілі гледачоў і журы занальнага агляду юныя ўдзельнікі узорнага фальклорнага гурта “Гутаўцы”, сямейны калектыў «Бабуліны ўнукі», якія выйшлі на сцэну разам са сваёй бабуляй.
16 марта 2025 года ў г. Баранавічы прайшоў другі занальны агляд абласнога адкрытага фестывалю фальклорнага мастацтва «Радавод». з Баранавіцкага, Ляхавіцкага, Пружанскага, Івацэваіцкага, Бярозаўскага раёнаў і г. Баранавічы. Цікава былі прадстаўленны намінацыі: фальклорная музыка, фальклорныя спевы, зборнікі рэцэптаў традыцыйных страў, запісаныя ў жыхароў свайго рэгіёну.
Вынікі летніх фальклорных экспедыцый адлюстраваліся ў зборніках навукова-даследчых работ “Фальклорная спадчына” навучэнцаў і сцэнічных выступленнях, фальклорнага гурта “Крынічка” ДУА “Цэнтр дадатковай адукацыі дзяцей і моладзі Баранавіцкага раёна”, ўдзельнікаў узорнага ансамбля цымбалістаў “Перазвон” ДУА “Сярэдняя школа №21 г. Баранавічы” і інш.
Фрагмент абраду таямнічых дзявочых варожбаў на Купалле паказалі навучэнцы ДУА “Раздзялавіцкая сярэдняя школа” Ганцавіцкага раёна. Самабытны мясцовы абрад “Юр’я” паказаў гурт “Спадчына” ДУА “Вялікагацкая сярэдняя школа”.
29 марта 2025 года ў г. Брэсце прайшоў трэці занальны агляд абласнога адкрытага фестывалю фальклорнага мастацтва «Радавод». Аматары фальклорнага тэатра з Каменецкага, Маларыцкага, Жабінкоўскага, Кобрынскага, Брэсцкага, Пружанскага раёнаў, Ленінскага раёна г. Брэста, Маскоўскага раёна г. Брэста, УДАДіМ г. Брэста, УА “БДАЦМТ”. Сапраўднае свята фальклорнага мастацтва атрымалася на аглядзе. Мясцовымі танцамі, спевамі ўзрадавалі навучэнцы і педагогі з узорнага фальклорнага калектыва “Катрынка”, фальклорнымі гульнямі ўдзельнікі ўзорнага фвльклорнага калектыва “Белавежская цявінка” ДУА “ЦДАДіМ г. Высокае”. Захапілі ўвагу гледачоў абрадам “Жніво” ансамбль “Хабаўчанка” ДУА “Хабовічская сярэдняя школа” фальклорны калектыў “Вытокі” Маларыцкага раёна, фальклорны гурт “Лінькі” ДУА “Ліноўская сярэдняя школа” Пружанскага раёна, фальклорны калектыў ДУА “Жабінкоўскі РЦТДіМ”, і іншыя.
Напрыканцы агляду Брэсцкай зоны фальклорны калектыў УА “БДАЦМТ” прадставіў самабытныя фальклорныя спевы на дыялекце Брэскага раёна. Вось такі атрымаўся “Дыялог з мінулым”.
Занальныя агляды абласнога фестывалю фальклорнага мастацтва “Радавод” паставілі перад журы складаную задачу: вызначыць лепшых з лепшых у розных намінацыях. Яны прымуць удзел у заключных імпрэзах фестывалю. Заключныя мерапрыемствы, вялікае свята самабытнага фальклору Брэсцкай вобласці, плануюцца правесці 16-17 мая 2025 года ў адным з раённых цэнтраў вобласці.
